Friday, June 18

कहिले खुल्छ आन्तरिक उडान, मन्त्रालयको यस्तो छ जवाफ

June 9, 2021 117

काठमाडौ । लामो समय देखि बन्द रहँदा आफुहरु समस्यामा परेको भन्दै आन्तरिक उडान खोल्न हवाइ क्षेत्रका व्यवसायीले संस्कृति, पर्यटन तथा नागरिक उड्डयन मन्त्रालयमा प्रस्ताव पेश गरेका छन्।

 

स्वस्थ्य मापदण्ड पालना गर्दै हवाई सेवा संचालन गर्न पाउनुपर्ने माग राख्दै ब्यवसायीहरुले प्रस्ताव पेश गरेका हुन् । उनीहरुले हवाइ यात्रा सुरक्षित रहेको तर्क गरको छन् । सरकाले आन्तरिक उडान अनिश्चित कालसम्मको लागि स्थगन गरेको छ। व्यवसायीले महामारी घट्दै गएकाले स्वास्थ्य सुरक्षा मापदण्ड अपनाएर खोल्नुपर्ने बताएका छन्।

 

वायुसेवा सञ्चालक संघले असार १ गतेबाट आन्तरिक उडान खोल्न प्रस्ताव गरेको भएपनि मन्त्रालयमा यसवारेमा कुनै छलफल नभएको मन्त्रालय स्रोतले जनाएको छ । मन्त्रालयको निर्णयले मात्र हवाई सेवा सुचारु नहुने र त्यसको निर्णय मन्त्रीपरिषद्वाट हुने भएकाले यसवारेमा मन्त्रालयमा कुनै छलफल नभएको बताइएको छ ।

 

मन्त्रालयका हवाइ महाशाखा प्रमुख बुद्धि सागर लामिछानेले ‘मन्त्रालयले खोल्ने भने पनि मन्त्रिपरिषदले गर्ने निर्णय भएकाले तत्काल केही भन्न नसकिने बताए ।

प्रतिकृया दिनुहोस्