Wednesday, September 22

देउवा सरकारको अर्काे उपहार : देशभर इन्टरनेट र मोबाइल डाटाको शुल्क घट्ने

August 15, 2021 235

काठमाडौं – निवर्तमान प्रधानमन्त्री केपी शर्मा ओलीको शासनकालमा महंगी बढेर जनता वाक्क थिए । तर नेपाली कांग्रेसका सभापति तथा प्रधानमन्त्री शेरबहादुर देउवाले कार्यभार सम्हालेपछि जनतालाई सहुलियतका कार्यक्रम आइरहेका छन् ।

सरकारले कोरोना भाइरस विरुद्धको खोपलाई तीब्र रूपमा जनतासम्म पुर्‍याइरहेको र आगामी चैतभित्र सबै नेपालीलाई खोप लगाइसक्ने सरकारी घोषणा रहेका बेला सरकारले जनतालाई अर्काे उपहार दिएको छ ।

देउवा सरकारले सबैमा इन्टरनेट सेवाको पहुँच पुर्‍याउन इन्टरनेट र मोबाइल डाटाको शुल्क घटाउने तयारी गरेको छ ।

लिभिङ विट आईसीटीले शुक्रबार आयोजना गरेको ‘मेरो डिजिटल नेपाल, मेरो परिकल्पना’ कार्यक्रममा सञ्चार तथा सूचनाप्रविधि मन्त्रालयका सचिव डा. बैकुण्ठ अर्यालले सबैमा इन्टरनेट सेवाको पहुँच पुर्‍याउनका लागि सेवा शुल्क घटाउने तयारी गरिएको बताएका छन् ।

अर्यालले भने, ‘मोबाइल डाटा वा वाईफाई कुनबाट शुल्क घटाउन सकिन्छ भनेर हामी अध्ययन गरिरहेका छौं । सरकारी र निजी मिलेर अहिले भएको दरमा इन्टरनेट सेवाको शुल्क घटाई सबैको सुलभ बनाइने छ ।’

गाउँको सर्वसाधारण किसानले पनि आफ्नो उत्पादनलाई टेक्नोलोजीसँग जोड्न सक्ने गरी बजारीकरण गर्न सजिलो गराउनका लागि इन्टरनेट सेवाको शुल्क घटाउन थालिएको सरकारले जनाएको छ ।

प्रतिकृया दिनुहोस्