Tuesday, October 26

किशोरी हत्या आरोपमा एक वर्षपछि किशोर पक्राउ

March 16, 2021 174

सल्यान — त्रिवेणी गाउँपालिका–१, काभ्राकी १६ वर्षीया कविता बोहराको हत्या आरोपमा प्रहरीले एक १७ वर्षीय किशोरलाई पक्राउ गरेको छ । जिल्ला प्रहरी कार्यालयसहित प्रदेश प्रहरी र केन्द्रीय अनुसन्धान ब्युरोको टोलीले लामो अनुसन्धानपछि उनलाई पक्राउ गरेको हो ।आरोपित किशोर १८ वर्ष नपुगेकाले उनलाई नेपालगन्जस्थित बालसुधार गृहमा पठाइने जिल्ला प्रहरी प्रमुख डीएसपी गोविन्द थापाले बताए । उनका अनुसार एउटै विद्यालयमा पढ्ने किशोरले मन पराए पनि किशोरीले बेवास्ता गरेपछि हत्या गरेको अनुसन्धानका क्रममा खुलेको छ ।
किशोरले धारिलो हतियार प्रयोग गरी हत्या गरेको स्वीकारेको उनले जानकारी दिए । गत वर्ष फागुन २ गते किशोरीको हत्या भएको जिल्ला प्रहरी कार्यालयले जनाएको छ ।

प्रतिकृया दिनुहोस्