Wednesday, September 22

भारतबाट मजदुर गरेर कमाएको ६ लाख रुपैयाँ खर्चेर धुमधामसंग मागी बिवाह गरे तर सुहागरात मनाउन नदिई बेहुली टाप भएपछि….

March 20, 2021 390

गायिका अञ्जु पन्तको –‘ माया एउटासंग बिबाह अर्कोसंग’ बोलको गीतले थुप्रै युवा धड्कनको आत्मासात गरेको छ । उक्त गीत आत्मासात गर्ने पछिल्ला युवा धड्कन हुन, गुल्मीका एक जोडी । उनीहरु हुन रेसुङ्गा नगरपालिका–६ नेटाखर्ककी २३ वर्षिया ललिता बिक र गुल्मी दरवार गाउँपलिका–७ चारपाला काफलचौरका २७ वर्षिय करन सुनार ।

उनीहरुबीच असोज–२७ गते धुमधामसंग मागी बिबाह भएको थियो । यता माईतीमा नयाँ छोरी ज्वाँई पहिलो बर्ष दशैको टिका थाप्न आउने भनेपछि तयारीका लागि भ्याई नभ्याईमा थिए । तर दुर्भाग्य बाबु आमाको त्यो खुशी र दशैंको उत्साहमा निरासा हुन पुग्यो ।

बिबाह गरेको ५ दिन नबित्दै छोरी नव बेहुलालाई छाडेर बेपत्ता भईन । दशैंको संघार देखि अहिले अन्तिम सम्म दुबै परिवारजन उनको खोजीमा जिल्ला प्रहरी कार्यालय गुल्मीमा धाई रहेका छन । ललिताका दाजु हिमाल बिकका अनुसार उनी छिमेकी सागर परियार संग भागी बिबाह गरेर भागेको एसएमएस आई सकेको छ । फोनमा कहिले बुटवलमा त कहिले काठमाण्डौ भन्ने गरिएका छन्।

यसै समाचारदाताले फोन गर्दा सागरले फोन उठाए । उनले भने–” म अहिले मिक्सीङ्गमा ब्यस्त छु , तपाई खै को हो मैले चिनिन ।”अर्को पटक फोन गर्दा उठाएनन् । दाजु हिमाल भन्छन–” बहिनी र सागरबीच लभ थियो भन्ने हामीलाई थाह भएको भए हामीले बिबाह गराई दिने थिएनौं । करनजी र हामी पहिल्लै देखिका नातेदार हौं , उहाँहरु माग्न आएपछि हामीले केटा केटीलाई सम्मुख बनाएका थियौं । बहिनी बिबाहका लागि राजी भएपछि कुरा छिनिएको थियो ।’सागरले अघि थपे , सम्पर्कमा आउन नचाहेपछि हामी दुबै परिवार प्रहरीको सहारा लिन आएका हौं ।”

उनीहरुले शुक्रवार जिल्ला प्रहरी प्रमुख एसपी दिपककुमार बस्नेतलाई भेट गरी यथासिघ्र खोजतलासका लागि आग्रह गरे । झण्डै ६ लाख खर्चेर बिबाह गरेको बताउने करन यति बेला निकै निरास देखिन्छन । उनको भनाई यस्तो छ–” म माथी निकै ठुलो धोका भयो । गर–गहना सहित झण्डै ६ लाख खर्चेर बिबाह गरियो । त्यस अघि उनीसंग बेग्लै बसेर मन खोला खोल भएको थियो । उनी राजी भएपछि बिबाहको कुरा छिनिएको थियो । त्यसरी सागर भन्ने केटा संग पहिलादेखि नै लभ थियो भने उति बेलै भन्नु पर्दथ्यो । जब घर लगियो उनी रोई मात्र रहिन् केहि बोलीनन् । चार पाँच दिन सम्म पनि उनले मलाई नजिक पर्न पनि दिईनन । ”

केटाको भारतबाट मजदुर गरेर कमाएको लगभग ६ लाख रुपैयाँ सकिएको छ । केटिललाई ईमान्दारी पुर्वक सम्पर्कमा आई उनको गर–गहना र अन्य सामाग्री बुझाउन उनले आग्रह गरेका छन् । पछिल्लो चरण माया प्रेम र बिबाह समन्धमा यस्तो घटना नौलो नहुने गरेकोले पनि बिबाह पूर्व केटा केटी दुबैलाई बढी नै सोधपुछ र बिबाह मितिको ग्याव केहि फराकिलो पारेर कुरा टुङ्गाउनु पर्ने देखिन्छ ।(प्रेम सुनवारले एनबिसी खबरमा लेखेको यो समाचार हामीले साभार गरेका हौ)

प्रतिकृया दिनुहोस्